Orrahríð |
|
|
Vefleiðari Þorgeirs Ragnarssonar Önni Una Mjási Píanus Bjargmennið Útnesjamaður Baddy Inga Huld Hjölli Zolla Zschwverrchen
Archives
|
7.31.2004
Ríkið Launaseðillinn minn er með anorexíu. Hann mátti ekki við miklum skakkaföllum en þennan mánuðinn bættist við frádráttarliður sem kallast Opinber gjöld. Þetta hefur raunar komið fyrir mig áður en kemur mér samt alltaf jafnmikið úr jafnvægi. Ég er sótillur. 7.28.2004
Lágkúra Ég slysaðist til þess að líta á Popptíví í gærkvöldi en hefði betur látið það ógert. Auddi og Sveppi auk einhvers þriðja aðila sem ég kannast ekki við voru staddir í sturtuklefa ásamt landsliði Íslands í handbolta. Aðilinn sem ég kannaðist ekki við leysti síðan niðrum sig og hver á eftir öðrum gengu handboltamennirnir fram og rassskelltu hann, fast. Margir þeirra struku afturenda mannsins óeðlilega mikið meðan þeir voru að þessu. Þegar síðasti maðurinn hafði lokið sér af var rassinn á þeim hýdda orðinn illa farinn, marinn og rauður ef ekki beinlínis hruflaður. Dagskrárgerð á Íslandi hefur sokkið í sínar lægstu lægðir og handboltinn með henni. Eru eintómir perrar í landsliðinu? Var enginn sem hafði manndóm í sér gegn hópeflinu og sagði nei? Þurfti að sjónvarpa herlegheitunum? Aumingjar. Ég ætla að styðja andstæðinga liðsins í leikjum þess framvegis. |